MR-ingar, Verzlingar og MS-ingar berjast

Í Týndu kynslóðinni í kvöld mætast lið skipuð MR-ingum, Verslingum og MS-ingum í sérstökum ratleik og þrautaleik sem fram fer í Smáralind. Í hverju liði er einn núverandi nemandi og einn þekktur fyrrverandi nemandi.

Fyrir hönd MR keppa Anna Jia og sjónvarpskonan Rikka, fyrir hönd MS keppa Andri Snær Helgason og skemmtikrafturinn Sóli Hólm og fyrir hönd Versló keppa Arnar Hugi Birkisson og tónlistarmaðurinn Friðrik Dór.

Sigurvegararnir fá báðir ferð fyrir tvo með Iceland Express, 25 þúsund króna inneign í 17, Fifa12 og fleiri gjafir frá Senu, kassa af Vitamin Water og fleira.

Týnda kynslóðin er í opinni dagskrá á Stöð 2 klukkan 19:20 í kvöld.