McCartney og Shevell pússa sig saman

Bítillinn Paul McCartney mun í dag ganga að eiga unnustu sína til fjögurra ára, hina bandarísku Nancy Shevell.

Einungis nánustu vinir og ættingjar verða viðstaddir athöfnina sjálfa en samkvæmt heimildum Sky fréttastofunnar er um 130 gestum boðið í brúðkaupsveisluna sem haldin verður á heimili Pauls.

Þetta er í þriðja hjónaband bítilsins en athöfnin fer fram í miðborg London á sama stað og hann gekk að eiga fyrstu eiginkonu sína Lindu, en hún lést úr krabbameini árið 1998. Þá var Paul einnig kvæntur fyrirsætunni Heather Mills en það hjónaband endaði með skilnaði árið 2008.