Hvetja fólk til að kynna sér aðstæður vel áður en lagt er af stað

Slysavarnafélagið Landsbjörg hvetur vegfarendur til að keyra varlega um hálendið og þá sérstaklega Fjallabaksleið nyrðri í ljósi þess að þjóðvegur eitt verður í sundur um sinn sunnan Mýrdalsjökuls. Búast má við aukinni umferð á svæðinu og jafnvel um Sprengisandsleiðina líka. Ferðmenn eru hvattir til að kynna sér aðstæður vel áður en lagt er í hann, til dæmis á heimasíðu vegagerðarinnar.

Í tilkynningu segir að sem fyrr séu björgunarsveitir félagsins til taks í Hálendisvaktinni og eru staðsettar að Fjallabaki, á Sprengisandi, á Kjalvegi og norðan Vatnajökuls. Þurfi ferðalangar á aðstoð að halda skal hafa samband við Neyðarlínu í númerinu 112 sem kemur hjálparbeiðnum áleiðis á rétta staði.