Klovn gaurar með Íslendingunum í Cannes

Nú fer að styttast í annan endann á kvikmyndahátíðinni í Cannes. Íslenska kvikmyndin Eldfjall í leikstjórn Rúnars Rúnarssonar hefur hlotið góðar viðtökur og hafa dómar helstu kvikmyndatímarita heims um myndina verið afar jákvæðir.

Verðlaunaafhending hátíðarinnar fer fram um helgina þar sem Eldfjall keppir í flokkunum Directors Fortnight og Camera d'Or.

Jákvæðar viðtökur myndarinnar og góðir dómar ættu síður en svo að minnka möguleika Eldfjalls á að vinna til verðlauna á hátíðinni.

Íslenski hópurinn hefur verið í góðu yfirlæti og stjörnufans, eins og sjá má í myndasafni, á hátíðinni og sinnt kynningarstarfi við myndina. Þess á milli hafa aðstandendur Eldfjalls spókað sig í sólinni á ströndinni til að sína sig og sjá aðra.

Eldfjall á Facebook.