Lítið mál að vera móðir

Söngkonan Pink segir lítið mál að sinna bæði vinnu sinni og móðurhlutverkinu. Söngkonan og eiginmaður hennar, Carey Hart, eignuðust dótturina Willow Sage í júní á þessu ári.

„Svo lengi sem brjóstin mín eru komin heim á ákveðnum tíma get ég gert hvað sem er,“ sagði Pink í viðtali við People Magazine. Pink og Hart kynntust árið 2001 og líkt og frægt er orðið bað Pink hans árið 2005 með því að halda uppi spjaldi er á stóð „Viltu giftast mér?“ á meðan Hart keppti í mótorkross. Parið gekk í það heilaga á Kosta Ríka í byrjun árs 2006.