Dóttirin stal senunni

Við frumsýningu myndarinnar Johnny English Reborn biðu flestir ljósmyndarar eftirvæntingarfullir eftir aðalleikara myndarinnar, Rowan Atkinson. Það var hins vegar sextán ára dóttir hans, Lily Atkinson, sem stal senunni frá föður sínum á rauða dreglinum, en hún mætti á frumsýninguna í fylgd foreldra sinna.

Klædd í stuttan svartan kjól og hlébarðamunstraða hælaskó heillaði Lily ljósmyndara, sem létu flössin dynja. Breskir fjölmiðlar veltu síðan fyrir sér hvort stúlkan væri lík föður sínum eða móður, en komust að þeirri niðurstöðu að líklega ætti móðir Lily heiðurinn af glæsilegu útliti hennar.