Lady Gaga í Queen?

Gítarleikarinn Brian May í Queen segist hafa áhuga á því að fá Lady Gaga í hljómsveitina. Hann vann með söngkonunni að nýjasta lagi hennar, You & I, og hreifst augljóslega af hæfileikum hennar.

May segir í viðtali við dagblaðið Daily Express að hljómsveitin spjalli reglulega um að fara í tónleikaferðalag, en umræðurnar strandi ávallt á vali á söngvara. Það þykir auðvitað ekki öfundsvert að feta í fótspor Freddie Mercury, en May telur að Lady Gaga hafi það sem þarf. „Hún er ekki bara söngkona, hún semur einnig eigin lög,“ sagði hann.

May segist ekki hafa sett mikla pressu á Gaga, en ítrekar þó að hún hafi áhuga á að gera eitthvað með þeim. Hvað það er verður að koma í ljós.