Tvær plötur frá Kanye

Rapparinn Kanye West ætlar að gefa út tvær plötur áður en sumarið er á enda. Fyrst kemur Watch the Throne út í mars sem hann gerir með rapparanum Jay-Z og í lok sumars er svo væntanleg ný sólóplata frá Kanye.

Aðeins tveir mánuðir eru liðnir síðan síðasta plata hans, My Beautiful Dark Twisted Fantasy, kom út við frábærar undirtektir.

„Ég sný aftur í sumar. Watch the Throne kemur eftir tvo mánuði og nýja platan mín kemur í sumar,“ skrifaði rapparinn á Twitter-síðu sína.

Hér fyrir ofan má sjá myndband við lagið Runaway af My Beautiful Dark Twisted Fantasy.