Lífið

Tilfinningaríkt Eurovision

Vignir Snær, Þórunn Erna Clausen, Jógvan og Guðrún Árný. Fréttablaðið/Daníel
Vignir Snær, Þórunn Erna Clausen, Jógvan og Guðrún Árný. Fréttablaðið/Daníel
Síðasta undankeppni Söngvakeppni Sjónvarpsins var ákaflega tilfinningarík en þá sungu sex vinir Sigurjóns Brink lagið sem hann sendi inn, Aftur heim. Textann gerði eiginkona Sigurjóns, Þórunn Erna Clausen.

Sjö lög verða í sviðsljósinu þegar framlag Íslands til Eurovision verður valið í næsta mánuði. Það voru miklar tilfinningar í gangi í Efstaleitinu þegar keppnin fór fram á laugardagskvöldinu en ekkja Sigurjóns, Þórunn Erna, var viðstödd þegar sex vinir hans fluttu lagið hans, Aftur heim.

Mikill samhugur ríkti meðal flytjenda og var fólk sammála um að vel hefði tekist til við flutningin á laginu en það voru þeir Hreimur Örn, Pálmi Sigurhjartarson, Matthías Matthíasson, Gunnar Ólason, Vignir Snær og Benedikt Brynleifsson sem sáu um að koma því til skila. -fgg

Mikill samhugur ríkti í Efstaleitinu enda flestum ljóst að þetta kvöld yrði mörgum erfitt. Hér sjást Þórunn Erna í faðmi þeirra sex sem fluttu lag Sigurjóns.
 
Þórunn Erna ræðir málin við Pálma Sigurhjartarson og Benedikt Brynleifsson. .
 

Hreimur faðmar Þórunni Ernu að sér eftir að ljóst var að lagið Aftur heim hefði komist áfram.
 


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.