Lífið

Lady Antebellum sigursæl

Kántríhljómsveitin Lady Antebellum kom, sá og sigraði á 53. Grammy-verðlauna­hátíðinni í Los Angeles.

Kántrítríóið Lady Antebellum og poppstjarnan Lady Gaga voru atkvæðamest á Grammy-hátíðinni sem var haldin í Los Angeles. Lady Antebellum hlaut fimm verðlaun, þar á meðal tvenn fyrir lagið Need You Now. Hljómsveitin var stofnuð árið 2006 og hefur síðan þá náð fjórum lögum á topp kántrílista Billboard.

Hér fyrir ofan má sjá myndbandið við lag ársins, Need You Now.

Lady Gaga stal senunni þegar hún var borin inn í risavöxnu eggi.

Lady Gaga, sem var borin til athafnarinnar í risavöxnu eggi, hlaut þrenn verðlaun, rétt eins og rapparinn Jay-Z og sálar­söngvarinn John Legend. Jay-Z var heiðraður í tvígang fyrir lagið Empire State of Mind, sem hann söng með Aliciu Keys við miklar vinsældir.

Rapparinn Eminem var tilnefndur til tíu verðlauna en hlaut aðeins tvenn, fyrir bestu rapp­plötuna (Recovery) og fyrir lagið Not Afraid.

The Arcade Fire átti hljómplötu ársins, The Suburbs.
Margir töldu að Eminem fengi verðlaun fyrir bestu plötuna en þau verðlaun komu í hlut kanadísku hljómsveitarinnar Arcade Fire fyrir The Suburbs.

Þá hlaut gamla kempan Neil Young verðlaun fyrir rokklag ársins og voru það fyrstu Grammy-verðlaun hans á löngum ferli.

Esperanza Spaldin var kjörin nýliði ársins.
Einnig kom það mörgum á óvart þegar söngkonan Esperanza Spalding var kjörin besti nýliðinn á kostnað nýstirnanna Justins Bieber og hipphopparans Drake.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.