Þarf aðstoð ef allt á að ganga upp

Leikkonan Maggie Gyllenhaal segir það vera í lagi að mistakast endrum og eins þegar foreldrahlutverkið er annars vegar.

Hún elskar að vera mamma en segir tímaleysi, stress og álag oft koma í veg fyrir að hún geti verið fullkomin mamma.

Maggie, sem á þriggja ára gamla dóttur, Ramonu, með eiginmanni sínum Peter Sarsgaard, leggur sig alla fram við að halda jafnvægi milli persónulegra þarfa og vinnu.

„Ég nýt hverrar einustu mínútu með dóttur minni en ég þarf vissulega á aðstoð að halda ef allt á að ganga upp. Barnapían mín er frábær," sagði Maggie.