Gerir 200 magaæfingar daglega

Kim Kardashian, 29 ára, gerir tvöhundruð magaæfingar á hverjum einasta degi til að halda línunum í lagi.

Kim leggur sig alla fram við að halda sér í góðu líkamlegu formi. Hún æfir á hverjum degi og gerir endalausar magaæfingar.

„Uppáhalds líkamsparturinn er maginn á mér. Ég hef mikið fyrir því að halda honum sléttum og ég er virkilega ánægð með útkomuna. Ég er mjög stolt af maganum mínum. Ég geri allavegana 200 æfingar á dag - ég einfaldlega verð að gera þessar magaæfingar ef ég ætla að halda líkamanum stinnum," sagði Kim.

Kim er um þessar mundir að reyna eins og hún getur að forðast að borða pizzur.

„Ég elska pizzur en þoli ekki mjaðmirnar á mér. Sama hvað ég hleyp mikið þá minnkar ummálið ekki. Ég ætla að hætta að borða pizzur en það tekur á," sagði Kim en bætti við:

„En mjaðmirnar eru hluti af mér og ég er að reyna að sætta mig við þær."