Múmínálfalag Bjarkar - hlustið hér

Lagið sem Björk Guðmundsdóttir gerði fyrir finnsku kvikmyndina Múmínálfarnir og halastjarnan, Halastjörnulagið eða The Comet Song, kom út í dag. Hægt er að hlusta á lagið og horfa á myndbandið við það hér á heimasíðu Bjarkar.

Þar stendur að allur ágóði af sölu lagsins fer til barnahjálpar UNICEF í Pakistan.

Kvikmyndin um Múmínálfana var frumsýnd í Finnlandi fyrr í mánuðinum. Ekki er víst hvenær hún verður tekin til sýninga hér á landi.

Hægt er að sjá myndbandið hér.