Móðurhlutverkið reynir á

Tveggja ára gömul dóttir Nichole Richie neyddi mömmu sína til þess að skipta um föt á sér þegar að þær fóru saman í verslunarleiðangur á dögunum.

Dóttirin, Harlow Winter, fékk mjólkurhristing þegar að þær mæðgurnar voru staddar á The Coffee Bean & Tea Leaf í Los Angeles. Litla stelpan var hæstánægð með veitingarnar en tókst að hella niður á sig. Hún var svo miður sín yfir því að fötin hennar skildu hafa óhreinkast að hún öskraði og grenjaði þangað til að móðir hennar skipti um föt á henni.

„Harlow hellti öllu niður á sjálfa sig," sagði sjónarvottur í samtali við National Enquirer tímaritið.