Vill Siennu burtu

Samkvæmt ýmsum tímaritum í Bretlandi á Sadie Frost, fyrrverandi eiginkona leikarans Jude Law, að hafa bannað Siennu Miller að vera of mikið í kringum börn sín eftir að sú síðarnefnda létt klippa dóttur Frosts án leyfis frá foreldrum barnsins.

„Sadie er reið yfir ýmsu og þá sérstaklega að Sienna hafi látið klippa hár dóttur hennar án leyfis. Sienna er byrjuð að skipuleggja brúðkaup sitt og Judes og hefur gert ýmsar ráðstafanir hvað börnin varðar og Sadie er mjög ósátt við það,“ var haft eftir ónefndum fjölskylduvini. Vinurinn sagði jafnframt að Frost hafi bannað Miller að sækja danssýningu hjá níu ára gamalli dóttur sinni.

„Jude vildi hafa Siennu með sér á sýninguna en Sadie var búin að fá nóg og tók það ekki í mál. Sadie er frábær móðir, en hún er búin að fá nóg af því að Sienna sé í mömmuleik með börnin sín,“ sagði vinurinn.