Glamúrpía sem elskar fornleifafræði og vill sigla um heiminn

Bandarísku leikkonuna Jessicu Biel dreymir um að búa í bát. Biel, sem er um þessar mundir kærasta hjartaknúsarans Justin Timberlake, er mikil áhugamanneskja um fornleifafræði og segist hafa sterka löngun til þess að sigla um heiminn og skoða gamlar rústir og fornar byggingar eins og píramídana.

„Þegar ég var lítil langaði mig alltaf til þess að vera eins og Indiana Jones, að grafa upp einhverjar fornminjar eða gömul bein," sagði Biel í viðtali við tímaritið Glamour en hún prýðir forsíðu júlíheftis þess. Leikkonuna ber næst fyrir augu áhorfenda í hasarmyndinni A-Team. Hér má sjá sýnishorn úr henni.