Bieber kætir aðdáendur

Ungstirnið Justin Bieber kom aðdáendum sínum í New York nokkuð á óvart á tónleikum sínum síðastliðið þriðjudagskvöld. Í stað þess að standa einn á sviðinu og syngja sitt sykursæta popp fékk hann listamenn á borð við Usher, Boys II Men og Miley Cyrus uppá svið til sín.

Bieber hafði verið veikur nokkrum dögum fyrir tónleikana en hristi þau veikindi af sér til að leika fyrir dansi í Madison Square Garden. Aðdáendur gengur nánast af göflunum þegar Bieber tók lagið með Miley Cyrus enda um að ræða tvær stærstu unglingastjörnur Bandaríkjanna.