Stolt af söguþræðinum

Bandaríska leikkonan Jessica Alba kveðst vera stolt af söguþræði kvikmyndarinnar Machete en myndin verður frumsýnd um helgina í Bandaríkjunum. Alba segist venjulega vera að skemmta fólki með leik sínum en er ánægð með að getað leikið í kvikmynd sem hafi sterkan pólitískan undirtón.

„Venjulega eru kvikmyndir bara afþreying, sérstaklega í Hollywood. Þar er ekki lögð áhersla á að segja eitt eða neitt. Í öðrum löndum eru kvikmyndir notaðar til að koma á framfæri einhverjum boðskap og kvikmyndir eru þar ákveðið listform,“ segir Alba en Macheta þykir taka málstað innflytjenda í Bandaríkjunum sem lengi hafa átt undir högg að sækja.

Alba hefur fyrst og fremst verið þekkt fyrir hlutverk sín í rómantískum gamanmyndum þótt vissulega hafi hún einnig leikið Storm í Fantastic Four-myndunum. Hún segist ekki vilja einskorða leik sinn við gamanmyndir né hasarmyndir.

„Ferill minn hófst í hasar þegar ég lék fyrir James Cameron í Dark Angel. En ég elska gamanmyndir og þær eru ástæðan fyrir því að ég fór að leika,“ segir Alba sem birtist einnig í nýjustu Meet The Parents: Little Fockers.