Reykti ekki ósvikna jónu

Spéfuglinn Zach Galifianakis komst í heimsfréttirnar á dögunum þegar hann virtist reykja jónu í beinni útsendingu í þættinum Real Time with Bill Maher. Fréttin breiddist út eins og eldur í sinu um allan heim, en nú er fullyrt að ekkert ólöglegt efni hafi verið í jónunni. „Þetta var ekki alvörujóna,“ sagði Bill Maher, stjórnandi þáttarins, sem er mikill talsmaður lögleiðingar kannabisefna. „Ef hún hefði verið ósvikin hefði ég fengið mér smók. Þetta var einhvers konar tóbak. Zach er klikkaður, en ekki svona klikkaður.“