Miley Cyrus ætlar að einbeita sér að leiklistinni

Unglingastjarnan Miley Cyrus ætlar að einbeita sér að leiklistinni á næstunni og setja söngferilinn á pásu. Miley hefur átt góðu gengi að fagna bæði sem söngkona og leikkona í þáttunum Hannah Montana en þessa dagana kynnir hún nýjustu kvikmynd sína The Last Song.

Miley segir að afar gaman hafi verið að leika í myndinni. Það hafi gert henni grein fyrir því hvernig hún vilji haga lífi sínu á næstunni. Miley segir að það sé kominn tími til þess að hún geri það sem henni þykir skemmtilegast en ekki bara það sem einhverjir aðrir segja henni að gera.