Kvartaði undan Scarlett

Leikararnir Ryan Reynolds og Scarlett Johansson tilkynntu í byrjun mánaðarins að þau væru að skilja eftir rúmlega tveggja ára hjónaband. Samkvæmt tímaritinu US Weekly var það Johansson sem átti frumkvæðið að skilnaðinum og situr Reynolds því eftir með sárt ennið.

Samkvæmt heimildarmönnum var Reynolds ófeiminn við að deila hjónabandsvandræðunum með mótleikurum sínum í kvikmyndinni The Green Lantern. „Hann var mjög opinn um vandræði þeirra og sagði að hann og Scarlett væru að glíma við ýmis vandamál,“ sagði heimildarmaðurinn.

„Hann sagði meðal annars að hún kæmi illa fram við hann og að hún hefði aldrei tíma aflögu til að eyða með honum.“