Fáklædd Kim í Miami - myndir

Kynbomban Kim Kardashian gerir fátt annað þessa dagana en að taka sjálfsmyndir af sér fáklæddri og birta þær á samskiptavefnum Twitter.

Gula pressan túlkar þetta sem óbeina yfirlýsingu stúlkunnar um að hún sé í raun einhleyp en hún var lengi vel á föstu með íþróttamanninum Reggie Bush.

Hann á hinsvegar að hafa sofið hjá framreiðslustúlku á dögunum. Ekki er tekið fram hvað hún heitir en en hárlitur hennar var sérstaklega tekin fram í fréttum Daily mail af málinu - en hún mun vera ljóshærð.

Kim á að hafa kasta svikulum kærastanum á dyr í kjölfarið og flúið til systra sinna í Miami þar sem hún liggur meira eða minna í sólbaði, sé tekið mið af myndunum.

Kim vill hinsvegar ekkert gefa upp um stöðu mála í ástarlífinu og því er vel fylgst með hverju skrefi stúlkunnar.

Þá neitaði Bush á Twitter síðunni sinni, sem virðist vera orðinn nokkurskonar samskiptamáti stjarnanna við umheiminn, að hafa átt í ástarsambandi við ljóshærðu þjónustustúlkuna.

En myndirnar af Kim segja meira en þúsund orð. Til að mynda setur hún munúðarfullan stút á munninn á einni myndinni auk þess sem hún er í efnislitlu bikiní á þeim flestum.

Gula pressan kemst eðlilega að einni og ótvíræðri niðurstöðu; stúlkan er komin aftur á markaðinn.