Hefur aldrei ljómað svona áður

Leikkonan Kate Winslet, 34 ára, gæti vel hugsað sér að giftast nýja kærastanum, fyrirsætunni Louis Dowler, 34 ára.

Náinn vinur Kate lét hafa eftir sér: „Kate gæti vel hugsað sér að giftast Louis og eignast með honum börn. Hún er hamingjusömust þegar hún er með honum. Ég hef ekki séð hana svona hamingjusama í mörg mörg ár. Hún ljómar líkt og aldrei fyrr."

Leikkonan hefur nú þegar boðið Louis að flytja inn til sín því hún getur ekki verið án hans og þegar hún ferðast á vegum vinnunnar er hann alltaf til taks fyrir hana.

Kate skildi við leikstjórann Sam Mendes eftir sjö ára hjónaband í sumar.