Sælgætisbréfatöskur slá í gegn í Hollywood - myndband

Við hittum Jónínu Sigurðardóttur eiganda netverslunarinnar Kolors.is sem selur handunnar töskur sem hafa slegið í gegn í Hollywood

Töskurnar eru sérstakar að því leiti að þær eru allar unnar úr ýmsum vörum eins og sælgætisbréfum, gosflöskumiðum, strikamerkjum, tímaritum og dagblöðum sem annars hefðu endað í landfyllingu.

Í myndinni Sex and the City 2 má sjá Samönthu (Kim Cattrall) skarta silfurtösku sem Jónína sýnir okkur meðal annars í meðfylgjandi myndskeiði.

Fjölmargar stjörnur eru hrifnar af töskunum og nota þær á opinberum vettvangi eins og Paris Hilton, Christina Ricci og Cameron Diaz.