Boy George naut sín í fangelsi

Boy George naut sín í fangelsi vegna þess að hann hitti svo margt frábært fólk. Söngvarinn, sem er þekktastur fyrir framlag sitt með hljómsveitinni Culture Club, afplánaði fjóra mánuði í fangelsi á síðasta ári vegna árásar á fylgdarmann í íbúð sinni i austurhluta Lundúna.

Boy George var leiður yfir dómnum en það kom honum hins vegar mikið á óvart hvað hann naut fangelsisins. Ástæðan var sú að samfangar hans voru svo vinalegir.

„Ég sat inni í fjóra mánuði og það var ekki alslæmt," segir hinn 48 ára gamli söngvari í samtali við BBC Radio 2. Hann sagðist hafa getað hlegið og notið sín. Þetta hafi verið svolítið skrýtin lífsreynsla.