Mottu-mars: Söfnunarþáttur í beinni

Söfnunarátakinu Karlmenn og krabbamein, Mottu-mars, lýkur í dag með glæsilegum söfnunarþætti í beinni og opinni útsendingu á Stöð 2. Logi Bergmann tekur á móti góðum gestum í þessari ríflega tveggja klukkustunda löngu sjónvarpsútsendingu, sem verður uppfull af tónlistaratriðum, gríninnslögum og skemmtilegum uppákomum auk þess sem verður fjallað um þennan vágest sem krabbamein er. Í símaverinu verður Villi Naglbítur og flytur reglulega fréttir af því hvernig söfnunin gengur.

Landslið grínara kemur fram, þar á meðal Jón Gnarr, Pétur Jóhann Sigfússon, Hannes Óli Ágústsson, Þorsteinn Guðmundsson, Jóhannes Haukur „Hellisbúa", Gunnar „Frímann" Hansson, Sólveig Arnarsdóttur og Þorstein Bachmann. Fjölmargir tónlistarmenn koma fram, þar á meðal Baggalútur, karlakórinn Fóstbræður, Nýdönsk, Sálin hans Jóns míns, Egill Ólafsson og Hjálmar.

Útsendingin hefst klukkan 20:00.