Hefði tekið fram kylfuna

Fréttirnar af framhjáhaldi Jesse James, eiginmanni Söndru Bullock, hafa farið sem eldur í sinu um heiminn. Konurnar sem Jesse hélt við eru orðnar þrjár og enn má búast við að fleiri komi fram.

Málið minnir á mál Tiger Woods sem kom upp á síðasta ári og Sandra var reyndar spurð út í það fyrr á þessu ári á People‘s Choice-verðlaununum. Þar sagði hún að ef hún væri Elín, kona Tigers, þá hefði hún ekki hætt að lemja hann með golfkylfunni. Hún var þá spurð að því hvort hún væri enn þá að sveifla kylfunni og svar Söndru var stutt og laggott: „Ég myndi ná í hafnaboltakylfuna!“

Eins og í öllum góðum sögum þá lenti Sandra í því sama og Elín og þá má velta því fyrir sér hvort Jesse James þurfi að sofa með annað augað opið.