Beit annan hund til bana

Hundur plötusnúðarins Samönthu Ronson hefur verið sendur burt af heimili hennar eftir að hann drap hund nágrannans. Ronson á bolabítinn Cadillac og hefur nú þurft að skilja við hundinn eftir að hann réðst á smáhund í eigu nágrannakonu. Hinn hundurinn, lítill Maltese hundur, hafði sloppið fram á gang þegar lætin byrjuðu. Hávaðinn vakti athygli nágranna sem þurstu þegar fram til að athuga málið en þá hafði Cadillac þegar drepið smáhundinn og síðan bitið eiganda hundsins þegar hún kom askvaðandi að.

Ronson sendi frá sér tilkynningu í gegnum Twitter síðu sína stuttu síðar þar sem hún sagðist miður sín eftir atvikið. „Ég er afskaplega leið yfir því sem gerðist og ég vildi að ég gæti gefið annað og meira en samúð mína. Því miður eru engin orð sem geta lýst því hversu sorgmædd ég er yfir þessu atviki,“ skrifaði Ronson á Twitter síðu sína.