Lífið í rúst og hótelherbergið líka

Leikkonan Drew Barrymore, 35 ára, segist vera algjör sóði. Ekki nóg með það heldur er líf hennar líka í rúst. Leikkonan leigir iðulega hótelherbergi á ferðalögum sínum um heiminn sem hún segir líta út eins og svínastíur þegar hún dvelur þar. Hún líkir sér við pönkarann Sid Vicious þegar kemur að umgengni.

Drew viðurkennir að hún er vanalega mjög skipulögð þegar kemur að framleiðslu kvikmynda og leik en þegar heimilisstörfin eru annars vegar er hún ómöguleg.

„Þið ættuð að sjá hótelherbergið sem ég gisti á akkúrat núna. Það lítur út líkt og Sid Vicious búi þar," sagði Drew og bætti við:

„Svo er líf mitt gjörsamlega í rúst líka. Ég þarf virkilega að hringja í einhvern núna til að hjálpa mér því allt er svo skrýtið. Skrifborðið mitt er ein hrúga af drasli, ég er hætt að skipuleggja mig og týni öllu."

Við erum á Facebook. Vertu með hér.