Ekkjan vill bætur

Ekkja leikarans Davids Carradine hefur krafið franskt kvikmyndafyrirtæki um skaðabætur vegna dauða hans. Fyrirtækið MS2 SA stóð á bak við síðustu mynd Carradines sem var tekin upp í Bangkok í Taílandi. Ekkjan, Anne Carradine, segir að fyrirtækið hafi ekki verndað eiginmann sinn sem skyldi. Hann fannst látinn í fataskáp, nakinn og hangandi í snúru, 72 ára gamall.

Talið er að kynlífsathöfn hafi farið úr böndunum. Eiginkonan segir að aðstoðarmenn Carradine og aðrir úr tökuliðinu hafi farið í kvöldmat án leikarans í annan hluta borgarinnar, rétt áður en hann dó, og því ekki sinnt starfi sínu nógu vel. Ekkjan hefur einnig átt erfitt með að fá tryggingabætur í gegnum fyrirtækið vegna fráfalls eiginmannsns.