Tarantino sakaður um að hafa stolið Kill Bill

Kvikmyndaleikstjóranum Quentin Tarantino hefur verið stefnt fyrir rétti. Ástæðan er sú að hann er sakaður um að hafa stolið kvikmyndahandriti og nýtt sér það við gerð Kill Bill myndarinnar.

Sá sem stefnir Tarantino heitir Dannez Hunter. Hann krefst milljón bandaríkjadala eða um 130 milljóna íslenskra króna í bætur frá Tarantino og Miramax kvikmyndaframleiðandanum, eftir því sem fram kemur á vefnum TMZ.

Hunter segist hafa sent handritið sitt til Miramax árið 1999 en aldrei fengið nein viðbrögð þaðan. Seinna hafi hann svo séð að handritið hafi verið notað í Kill Bill.