Nældi sér í afslappaðan náunga - myndir

Leikkonan Mischa Barton, 24 ára, er loksins búin að finna manninn sem kætir hjarta hennar. Sá heppni er breski plötusnúðurinn Ali Love.

Meðfylgjandi myndir voru teknar af parinu á tískuvikunni í Mílanó.

Mischa elskar að vera í návist nýja kærastans því hann kemur fram við hana af virðingu og hugar vel að henni þrátt fyrir frægðina. Ali er afslappaður náungi að sögn Mischu og hún kann að meta það í fari hans.

„Hann er ótrúlegur. Svo almennilegur og hlýr en ég vorkenni honum þegar ljósmyndararnir elta okkur. Hann er svo afslappaður og kúl náungi," sagði Mischa í viðtali við breska OK! tímaritið.