Mynd um Van Helsing

Hinn mexíkóski Guillermo del Toro ætlar að leikstýra og skrifa handrit nýrrar myndar um vampírubanann Abraham Van Helsing, höfuðandstæðing greifans Drakúla. Del Toro ákvað á dögunum að hætta við að leikstýra Hobbitanum vegna tafanna í kringum þá mynd og svo virðist sem Van Helsing verði næstur á dagskránni hjá honuum.

Aðeins sex ár eru liðin síðan Stephen Sommers leikstýrði myndinni Van Helsing með Hugh Jackman og Kate Beckinsale í aðalhlutverkum. Hún fékk slæmar viðtökur og talið er að del Toro skili frá sér mun vandaðari afurð.