Áherslubreyting eftir að hún varð mamma

Söngkonan Gwen Stefani segir að það sé þess virði að bíða eftir nýrri plötu hljómsveitarinnar No Doubt.

Hljómsveitin gaf síðast út plötu árið 2001 en síðan þá hefur Gwen unnið að sólóferli og hannað fatnað sem ber yfirskriftina L.A.M.B..

Gwen hlakkar til að vinna aftur með félögunum í No Doubt en þau eru ákveðin í að gefa út plötu á næsta ári.

„Eftir að ég eignaðist börn þá get ég ekki vakið allar nætur og hagað tíma mínum eins og ég gerði hérna áður fyrr," sagði Gwen

„Þegar ég er búin að kynna nýju fatalínun mína ætla ég að einbeita mér að tónlistinni. Ég get ekki beðið eftir að vinna með strákunum í No Doubt."