LeAnn Rimes berst í þágu psoriasissjúklinga

LeAnn Rimes hefur ákveðið að tjá sig opinberlega um psoriasis sjúkdóm sinn og hvetur aðra psoriasissjúklinga til þess að hætta að fela sjúkdóminn.

LeAnn greindist með sjúkdóminn þegar hún var tveggja ára gömul og hefur háð harða baráttu við sjúkdóminn sem lýsir sér í því að rauðir blettir með hreistri á birtast víðsvegar á húðinni.

Nú hefur Rimes ákveðið að taka þátt í sérstöku átaki sem Samtök húðsjúkdómafræðinga í Bandaríkjunum og Alþjóða Psoriasissamtökin standa fyrir til þess að auka skilning á psoriasis.