Sandra með börnin

Leikkonan Sandra Bullock ætlar að gæta þriggja barna Jesse James á meðan hann fer í samskonar meðferð og Tiger Woods fór í við kynlífsfíkn. Jesse hefur viðurkennt fyrir umheiminum að hann sé háður kynlífi með ókunnugum konum, en sú fíkn batt enda á hjónaband hans og leikkonunnar.

Jesse á þrjú börn. 15 ára pilt og 12 ára stúlku með fyrri eiginkonu sinni og sex ára gamlan dreng með klámstjörnunni Janine Lindemulder. Sandra gekk þeim nánast í móðurstað eftir að hún og Jesse giftust fyrir fimm árum. Hún er sögð velta því alvarlega fyrir sér hvort hún eigi að sækja um forræðið yfir þeim.