Mamman daðrar við Brand

Bandaríska söngkonan Katy Perry segist eiga gott samband við foreldra sína nú þegar hún er komin á fullorðinsaldur. Hún viðurkenndi í nýlegu viðtali við tímaritið Glamour UK að foreldrar hennar hafi þó ekki verið samþykkir sambandi hennar og Russells Brand í fyrstu. „Þau vissu mjög lítið um hann, en leyfðu honum þó að njóta vafans.“

Brand átti ekki í erfiðleikum með að heilla foreldra unnustu sinnar upp úr skónum og segir Perry að móðir hennar sé afskaplega hrifin af Brand. „Hann er mjög heillandi og á í ástarsambandi við móður mína í gegnum netið. Hún daðrar við hann og mér finnst það einstaklega óviðeigandi og hef beðið hann vinsamlegast að hætta,“ sagði söngkonan sem mun giftast grínistanum síðar á árinu.