Ellefu áfram í Gullegginu

Ellefu viðskiptaáætlanir hafa verið valdar til að taka þátt í Gullegginu 2010, frumkvöðlakeppni Innovit.

Þegar keppnin hófst seint á síðasta ári bárust 295 hugmyndir í hana og höfðu þær aldrei verið fleiri. Hugmyndirnar voru unnar áfram og komu 60 fullmótaðar viðskiptaáætlanir úr henni. Keppnin hófst fyrir rúmum átta vikum.

Hópur sérfræðinga í atvinnulífinu mun næstu vikur leggja mat á þær. Katrín Jakobsdóttir menntamálaráðherra kynnir úrslit keppninnar 10. apríl næstkomandi og afhendir þeim sem fara með sigur af hólmi sigurlaunin, eina milljón króna. - jab