Victoria afsakar bauga undir augum

Victoria Beckham viðurkennir að hún hefur sofið lítið undanfarnar vikur við undirbúning á sýningu á vor- og sumarlínunni hennar á tískuvikum sem haldnar eru viða um heim.

„Enginn af okkur hefur sofið almennilega. Viljið þið vera svo væn að afsaka baugana sem ég er með undir augunum?" sagði hún við fjölda blaðamanna áður en þeir byrjuðu að spyrja hana spjörunum úr.

„Ég er þreytt og alveg búin á því en þegar ég vinn við að skapa fatalínuna mína og allt sem viðkemur henni þá er ég glöð þó ég sé þreytt. Ég gæti aldrei framkvæmt þessa hluti nema af því að ég er með hóp af frábæru fólki sem aðstoðar mig," sagði Victoria jafnframt.