Aniston blekkir vini sína

Ekki nóg með að Jennifer Aniston er aftur byrjuð aftur að hitta tónlistarmanninn John Mayer heldur er hún með manninn bókstaflega á heilanum að sögn vina hennar sem þola ekki John.

Jennifer og John voru í „haltu mér slepptu mér" sambandi nánast allt árið 2008 og í byrjun ársins 2009 þegar þau ákváðu loksins að enda sambandið í mars mánuði.

Jennifer hélt alltaf út af fyrir sig hvernig henni leið og hvaða tilfinningar hún bar til John en hún var líka endalaust ósátt við hvað hann talaði opinskátt um sambandið við fjölmiðla.

„Hún er með hann á heilanum. Svo reynir hún að blekkja vini sína með því að halda því fram að þau séu bara vinir en það sést greinilega að hún er fallin aftur fyrir John, " er haft eftir vini leikkonunnar.