Öskraði eftir erfiðar kynlífssenur

Leikkonan Michelle Williams leikur í átakanlegum kynlífssenum á móti leikaranum Ryan Gosling í nýrri kvikmynd sem ber heitið Blue Valentine.

Michelle fannst erfitt að leika í kynlífssenunum. Hún hataði hverja einustu sekúndu á meðan á tökunum stóð. Eftir tökurnar, sem tóku nokkra daga, öskraði hún út um bílgluggann á leiðinni heim úr vinnunni til að losa um streituna sem hún upplifði.

„Við æfðum senurnar í marga daga í röð og það voru erfiðir dagar," sagði Michelle.

„Í byrjun voru léttar þægilegar ástarsenur en þegar við lékum kynlífsatriðin var tilfinningin ömurleg. Tökurnar stóðu yfir í heila eilífð. Ég keyrði langa vegalengd heim úr vinnunni á hverjum degi, setti höfuðið út um gluggann og öskraði af öllum lífsins sálar kröftum. Þannig tókst mér að losna við óþægindin," sagði hún.