Britney sat fáklædd fyrir

Sagt er að Britney Spears sé farin að blómstra á ný eftir langt þunglyndiskast. Myndir hafa birst af henni þar sem hún sat fyrir fáklædd í garðinum hjá ónefndum vini sínum. Á myndunum virðist Britney vera alsæl og brosir í myndavélina.

Tímaritið Now segir að myndirnar séu úr öllum takti við myndir sem birtust af henni fyrir einungis þremur mánuðum síðan, þar sem hún hafði rakað af sér allt hárið og réðst að bíl í eigu ljósmyndara sem hafði gert henni lífið leitt.

Now segir að þessa breytingu á Britney megi rekja til þess að hún hafi farið í meðferð. Hún sé nú með sjálfri sér.