Lesbískur útsaumur á páskamarkaði

Í dag á milli kl. 13 og 21 stendur Styrmir fyrir páskamarkaði á Barböru, Laugavegi 22. Þriðja hæð staðarins verður lögð undir sölubása þar sem félagar í Styrmi selja ýmsan varning, til að mynda prjónavöru, hekl, útsaum, áþrykkta boli auk notaðra vara og nýs varnings. Á annarri hæð munu svo aðrir meðlimir selja kaffi og vöfflur gegn vægu gjaldi, spila fallega kaffihúsatónlist og bjóða upp á huggulega stemningu.

Páskamarkaðurinn er fjáröflunartækifæri fyrir félaga Styrmis sem munu taka þátt á stóru íþróttamóti í Köln í ágúst næstkomandi. Allur ágóði gengur upp í ferða- og uppihaldskostnað vegna mótsins.

Styrmir er íþróttafélag sem stofnað var í þeim tilgangi að hvetja samkynhneigða til íþróttaþátttöku. Í dag býður félagið upp á fótbolta, blak og sund og vel er mætt á allar æfingar. Æfingar eru opnar öllum án tillits til getu, kyns, kynhneigðar, eða nokkurs sem fólk gæti mögulega verið dregið í dilka fyrir.- drg