Vill leika á móti Douglas

Catherine Zeta-Jones hefur mikinn áhuga á að leika á móti eiginmanni sínum, Michael Douglas, á hvíta tjaldinu. Nefnir hún endurgerð svörtu kómedíunnar War of the Roses sem hugsanlegt verkefni. Douglas lék þar aðalhlutverkið á móti Kathleen Turner og fjallaði myndin um hjón sem gengu í gegnum hatramman skilnað. Zeta veit að það getur verið erfitt að horfa á hjón leika saman í mynd eins og Tom Cruise og Nicole Kidman gerðu en vill engu að síður prófa.

„Stundum lítur þetta skringilega út en mig langar að leika í endurgerð War of the Roses með eiginmanni mínum þar sem við reynum að drepa hvort annað," sagði hún.