Ég kyssti gaur

Gavin Rossdale, söngvari hljómsveitarinnar Bush og eiginmaður Gwen Stefani, hefur viðurkennt að hafa átt í ástarsambandi við karlkyns klæðskipting á níunda áratugnum. „Ég vildi ekki að þetta myndi hafa áhrif á Bush,“ sagði hann nýlega í viðtali.

Boy George sagði fyrst frá sambandi Rossdale og klæðskiptingsins Marilyn í sjálfsævisögu sinni Take it Like a Man. Þá hefur Marilyn látið hafa eftir sér að sambandið hafi varað í fimm ár og að Rossdale hafi verið ástin í lífi hans.

„Ég var 17 ára og þá er ekkert skrýtið við neitt. Maður er bara að finna sig og fullorðnast. Þannig er það,“ sagði Rossdale.