Opnunarpartí á Laugavegi - myndir

Volcano Icelandic Design flutti formlega á Laugaveg 40 þar sem vörur Volcano Design eru fáanlegar sem og vörur fleiri hönnuða sem eiga það sameiginlegt að framleiða allar vörur sínar á Íslandi.

Á meðfylgjandi myndum sem teknar voru í formlegu opnunarteiti í gær má sjá að allir gestirnir voru áberandi glaðir.

„Við leggjum mikla áherslu á íslenska framleiðslu," segir Katla Hreiðarsdóttir, annar eigandi Volcano Design.

„Við erum stolt af því að handvinna hvern einasta hlut á vinnustofunni okkar þar sem litlar breytingar og lagfæringar geta verið gerðar til að þjónusta hvern viðskiptavin okkar til fullnustu", segir hún.