Heigl féll fyrir kossafimi Kutcher

Leikkonan Katherine Heigl er yfir sig hrifin af Ashton Kutcher en þau léku nýverið saman í myndinni Killers. Hún segir að kossar Kutchers séu ótrúlegir. Heigl hefur áður knúsað Hollywood-fola á borð við Gerard Butler, Justin Chambers og James Marsden en hún hefur viðurkennt að enginn þeirra jafnist á við Kutcher, sem er reyndar hamingjusamlega giftur Demi Moore eins og lesendur þekkja.

Heigl er einnig hamingjusamlega gift en hún segist ekki hafa getað annað en dáðst að kossafimi Kutchers.

„Hann er fáránlega heitur," sagði Heigl. „Jafnvel hendur hans eru fallegar. Það er ótrúlegt," sagði Heigl í viðtali á E!-Online.