Cheryl Cole eyðilögð eftir skilnaðinn við Ashley

Cheryl Cole er alveg eyðilögð eftir skilnaðinn við Ashley Cole í síðasta mánuði. Ástæðan er helst sú að Cheryl var farin að gera sig reiðubúna til þess að eiga börn með Ashley.

„Þau voru að hugsa um það og reyna að skipuleggja þetta meðfram framtíðarplönum sínum. Við komum úr stórri fjölskyldu og hún hefur móðureðlið í sér," segir Andrew Tweedy, bróðir Cheryl í samtali við OK Magazine.

Andrew, sem er elsti bróðir Cheryl, hefur áhyggjur af því að systir hans sé á eigin vegum. Hann er hins vegar afar ánægður með að hún ætli ekki að taka Ashley aftur.