Disney vill ekki sílikonbrjóst

Stófréttir berast að vestan, en afþreyingafyrirtækið Disney hefur óskað eftir leikkonum í framhaldskvikmyndina Pirates Of The Caribbeans. Sem er í sjálfu sér ekki fréttnæmt, en fyrirtækið setur sem skilyrði að leikkonurnar séu með raunveruleg brjóst.

Eðlilega tók Hollywood andköf þegar fregnirnar bárust að Disney hefði skorið upp herör gegn sílikonfylltum börmum en samkvæmt breska götublaðinu Daily mail er um einstæða byltingu að ræða.

Þá er tekið dæmi að brjóstastækkanir í Bandaríkjunum hefur fækkað úr 365 þúsund á ári niður i 312 þúsund. Að auki hafa vinsælir þættir eins og Svanurinn (The Svan), sem gengur út á brjálæðislegar yfirhalningar kvenna með lítið sjálfsálit, verið slegnir af.

Niðurstaðan er því skýr að mati Daily mail, brjóstastækkanir eru dottnar úr tísku; annar áratugur nýrra aldar er tími raunverulegra brjósta.

Það sem meira er, sumar leikkonur og skemmtikraftar með grjótharða sílikonpúða eru farnar að fjarlægja þá til þess að mæta nýjum og breyttum tímum. Meðal þeirra er tískuljóminn Victoria Beckham sem kallar ekki allt ömmu sína þegar kemur að miskunnarlausum raunveruleika hátískunnar.

Meira að það segja Sharon Osborne, sem er teygð og toguð til á allan mögulegan og ómögulegan hátt þökk sé ótrúlegri þekkingu læknavísindanna, segist sjá verulega eftir því að hafa fengið sér sílikonbrjóst.

Sharon er frægust fyrir að vera dómari í raunveruleikaþættinum X-Factor, auk þess sem hún er gift rokksteikinni Ozzy Osborne.

Tímaritið Playboy, sem virðist framkvæma hávísindalegar kannanir af og til, birtu sláandi niðurstöður á dögunum. Þar kom fram að karlmenn létu sig kannski dreyma um stórbrjósta ljóskur sem væru til í tuskið, en þegar kæmi að raunveruleikanum, þá vilja þeir raunveruleg brjóst. Í raun væru þeir nokkuð fráhverfir ofurfylltum börmum sem virðast geta slasað fullveðja karlmann fari hann ekki varlega.

Að auki hefur leikkonan Scarlett Johannsen verið ítrekað kjörin kynþokkafyllsta kona veraldar. Í huga greinarhöfundar Daily mail er engin vafi á því hvers vegna hún er svo vel að titlinum komin; hún er nefnilega með raunveruleg brjóst.