Bret sigrar Apprentice - Ekki fá þér drykk!

Rokkarinn Bret Michaels sigraði í gær í bandaríska sjónvarpsþættinum Celebrity Apprentice. Michaels fékk heilablóðfall fyrir nokkrum vikum og lá rúmfastur á spítala í kjölfarið. Hann var nýkominn á ról þegar hann fékk síðan minniháttar hjartaáfall í síðustu viku og í ljós kom að hann er einnig með holu í hjartanu.

Þrátt fyrir þetta mætti hann galvaskur í lokaþátt Apprentice, sem var sýndur í beinni útsendingu. Þar veitti Donald Trump, aðalstjórnandi þáttarins, honum verðlaunin. Leikkonan Holly Robinson lenti í öðru sæti.

„Mig langar svo þvílíkt að fá mér drykk og skemmta mér núna en ég er búin að fá svona átta sms þar sem er sagt: Ekki fá þér drykk!" sagði Michaels í viðtali eftir þáttinn.

Bret Michaels er söngvari hljómsveitarinnar Poison, sem átti mestum vinsældum að fagna í kringum 1990. Meðal stærstu smella sveitarinnar eru Unskinny Bop og Every Rose Has Its Thorn.

Hér er myndband af því þegar Trump tilkynnir úrslitin og viðtal við Michaels.